Самоубиствен напад во Мосул: Загина еден цивил, над 30 ранети

МОСУЛ (АА) - Во источниот дел на Мосул, терористичката организација ДЕАШ изведе самоубиствен напад во кој животот го загуби еден цивил, а ранети се повеќе од 30 лица, меѓу кои има и војници, јавува Anadolu Agency (AA).

Генерал-мајорот на ирачката армија, Азиз Халид, за АА изјави дека се случил самоубиствен напад во источниот дел на градот, во квартот Ѓокчели, во чија близина се наоѓаат центарот за безбедност и народниот пазар. Ова подрачје пред два месеца било ослободено од рацете на ДЕАШ.

Генерал-мајорот Халид изјави дека нападот бил изведен со три возила-бомби, а притоа животот го загубил еден цивил, додека ранети се 30 лица, од кои 9 војници.

Ова е прв напад врз безбедносните сили во ослободената источна страна на Мосул.

По двонеделни борби, на 1 ноември безбедносните сили кои се дел од ирачката армија успеаја да го ослободат квартот Ѓокчели, кој се наоѓа на источниот влез во градот.