„ЕУ е сериозно загрижена за ситуацијата во Македонија"

СКОПЈЕ (АА) - Амбасадорот на Европската унија (ЕУ) во Македонија, Аиво Орав, пред ЕУ Инфо-центарот во Скопје, рече дека дури по еден месец по враќањето во функција на Собранието на Република Македонија, за жал, нема напредок во решавањето на длабоката политичка криза во земјата, јавува Anadolu Agency (AA).

Орав во име на европските амбасадори во земјава, истакна дека се подготвени заеднички да им помогнат на политичките лидери во земјата да се вклучат во отворен дијалог. Тој ги повика политичките партии да постигнат согласност за патот напред во имплементацијата на Договорот од Пржино од 2015 година вклучувајќи и креирање услови за кредибилни избори.

Шефот на Делегацијата на ЕУ се осврна и на владеењето на правото во државата, кое според него, во изминатите месеци се соочи со натамошни предизвици вклучувајќи ја и амнестијата од претседателот на државата. Тој нагласи дека владеењето на правото е фундаментално за силно демократско општество. Затоа, рече, од клучно значење е да се имплементираат итните реформски приоритети предложени од Европската комисија.

„Во последниве неколку месеци, владеењето на правото претрпе постојани предизвици, вклучувајќи ја и амнестијата од претседателот на државата. и претседателот на државата помилување. За посилна демократско општество, владеењето на правото е темелна вредност. Затоа, од клучно значење е да се имплементираат итните реформски приоритети предложени од Европската комисија", рече Орав.

Орав апелираше до сите органи за поддршка на работата на Специјалното јавно обвинителство, вклучувајќи ја и поддршката во неговата работа како приоритетно прашање за излез на земјата од кризата.

„Демократијата се зајакнува преку целосно учество во институциите за да се обезбеди нивно демократско функционирање и поголема контрола. Потсетуваме дека рамката од Пржино останува најдобриот пат за излез на земјата од постојната криза. Веруваме дека е во интерес на оваа земја и нејзиниот евроатлантски пат главните политички партии да се согласат за решение за излез од кризата во следните неколку дена отколку во следните недели или месеци" порача евроамбасадорот Аиво Орав.