Трејлерот на „Војна на ѕвездите VIII” за 17 часа го погледале 4 милиони луѓе

ИСТАНБУЛ (АА) - Трејлерот на продолжението на „Војна на ѕвездите: Епизода VIII”, за само 17 часа го прегледале рекордни четири милиони луѓе, јавува Anadolu Agency (AA).

Осмиот филм од серијалот „Војна на ѕвездите” е во фаза на снимање, а една од локациите на која се снима е и Дубровник. Вчера на интернет е објавен трејлер кој трае 34 секунди.

Режисерот и сценарист Риан Џонсон го снима новото продолжение чиј „татко” е Џорџ Лукас, а главната улога ќе ја толкува Дејзи Ридли, Адам Диривер, Оскар Исак и Харисон Форд.

Премиерата на филмот „Војна на ѕвездите: Епизода VIII" е закажана за 15-ти декември 2017 година.

Минатата година на истиот датум беше прикажано премиерното седмо продолжение кое ги урна сите досегашни рекорди во однос на гледаноста и профитот.