Doğa Kırmızıoğlu
24 Септември 2021•Ажурирај: 27 Септември 2021
АНКАРА (АА) - Светски познатиот писател Пауло Коелјо, својата најнова книга, преведена на турски како „Стрелец“, ја посвети на олимпискиот шампион на Турција во стрелаштво, Мете Газоз, пренесува Агенција Анадолија (АА).
Седумдесет и четиригодишниот автор, кој сподели видео на својот профил на социјалната мрежа Твитер, рече: „Мете Газоз, оваа книга прво ти ја посветувам тебе. Моето дело за стрелаштво го посветувам на генијалец како што си ти. На овој начин, можеме подобро да ги разбереме нашите животи.“
Заедно со најпопуларната книга „Алхемичарот“, делата на бразилскиот писател Коелјо објавени се на 83 јазици во 170 земји, а нивната вкупна продажба надмина 320 милиони. Книгата „Патот на стрелецот“ (The Archer) започна да се продава од 21 септември.
Националниот стрелец на Турција, Мете Газоз, постигна историски успех со освојување на златен медал на овогодинешната Олимпијада во Токио.
- Книгата вклучува приказна за стрелаштво -
Пауло Коелјо во неговиот роман се фокусира на животот на стрелецот по име Тетсуј.
Тетсуј, највештиот стрелец во неговата земја, живее во едно село како скромен столар. Еден ден, стрелец кој доаѓа од далечна земја, го предизвикува Тетсуја. Со прифаќање на овој предизвик, Тетсуја, својата филозофија за стрелаштво ја пренесува и на странскиот стрелец и на едно од селските момчиња.
