Atila Altuntaş
07 Декември 2015•Ажурирај: 08 Декември 2015
СТОКХОЛМ (АА) - Добитничката на Нобеловата награда за книжевност, Светлана Алексиевиќ тврди дека луѓето на територијата на поранешниот Советски Сојуз, по 25 години на слобода под нови притисоци се откажале од стекнатата слобода и повторно го прифатија "ропството", јавува Anadolu Agency (АА).
Белоруската писателка Алексиевиќ на 10 октомври е прогласена за победник на Нобеловата награда, и само што пристигна во Стокхолм за да ја земе оваа престижна награда. По посетата на Нобеловиот Музеј во кусата изјава за медиумите остро ја критикуваше сегашната руска влада за кризата во регионот.
"Јасно е дека населението на Советскиот Сојуз пред 70 години живеело во ропство под режим и притисоци, а во изминатите 25 години ја добија слободата. На овие луѓе сега во мозокот им е влеан страв и тие се откажале од слободата и повторно го прифаќаат ропството. Тоа е главната причина зошто авторитарните водачи како што е Владимир Путин кои не запираат со насилство, доаѓаат на власт", рече Алексиевиќ.
Нагласувајќи дека не е оптимист кога станува збор за иднината на Русија, Алексиевиќ рече дека најголема закана е рускиот национализам кој се крие позади оружјето.
Aлексиевиќ руската интервенција во Украина ја нарече "окупација", а Путин го спореди со советскиот лидер Сталин. Алексиевиќ (67) е 14-та жена на која и припадна Нобеловата награда за книжевност.
Во своето пишување се опфатени некои од најважните настани во Белорусија во советската ера и по неговиот пад, вклучувајќи ја и нуклеарната катастрофа во Чернобил, во советско-авганистанската војна и државни распаѓање на СССР. Две од најпознатите нејзини книги се "Чернобил Молитва" и "Користени време - на крајот на црвениот човек", во која пишува за пост-советската транзиициска реалност, за преминот од еден социјален систем во друг.
