Чавушоглу: Советот за безбедност на ОН задоцни со разгледувањето на прашањето за Ковид-19

ВАШИНГТОН

Министерот за надворешни работи на Република Турција, Мевлут Чавушоглу изјави дека Советот за безбедност на ОН задоцнил со разгледувањето на прашањето за Ковид-19, јавува Агенција Анадолија (АА).

Чавушоглу на панелот „Што да сториме денес за да го одредиме утре?“, кој е организиран од страна на „Atlantic Council“ и турското здружение THO во Вашингтон, зборуваше за борбата на Турција против ширењето на Ковид-19.

Тој наведе дека Ковид-19 го подложил целиот свет на „стрес-тест“, и додаде дека пандемијата укажала на слабите точки и посилната страна на сите нас.

Зборувајќи за ситуацијата во Идлиб која е влошена со појавата на пандемијата, Чавушоглу ја повика меѓународната заедница да реагира пред да биде предоцна за Сирија и Идлиб.

Тој изјави дека решавањето на судирите како оние во Сирија и Либија, добиле поголемо значење за време на пандемијата.

„Доколку судирите на Средниот исток продолжат никој нема да победи, но сите ќе изгубат“, заклучи Чавушоглу.