ПАРИЗ (АА) - Бројот на починати лица од новиот вид коронавирус, Ковид-19, во Франција се искачи на 29.021 лицe, пренесува Агенција Анадолија (АА).

Според информациите соопштени од Институтот за јавно здравје на Франција, во последните 24 часа во земјата се дијагностицирани 253 нови случаи со вирусот, со што бројката на заразени се искачи на 189.082.

Во болниците од Ковид-19 се лекуваат 13.514 лица, од кои 1.210 се наоѓаат на интензивна нега. Веќе 56 дена по ред бројот на пациентите кои се лекуваат на интензивна нега се намалува.

Од Ковид-19 се излекувани уште 668 лица, со што вкупната бројка на оздравени од овој вирус се искачи на 69.455.

Во последните 24 часа починаа 81 лица поради Ковид-19, со што вкупниот број на починати во земјата како последица на овој вирус, се искачи на 29.021.