Во последните 24 часа поради Ковид-19 починаа 1.184 лица во Бразил, 1.043 во Индија и 575 во Мексико

АНКАРА

Пандемијата на новиот тип коронавирус (Ковид-19) во последните 24 часа е причина за смртта на 1.184 лица во Бразил, 1.043 во Индија и 575 во Мексико, известува Агенција Анадолија (АА).

Во Бразил, која е втора земја во светот најпогодена од пандемијата на Ковид-19, во последното деноноќие животот го загубија 1.184 лица заразени со коронавирусот.

Министерството за здравство на Бразил објави дека заедно со последните смртни случаи во земјата, вкупниот број на починати лица како последица на заразеност со Ковид-19 се искачи на 123.780. Вкупниот број на лица кај кои е откриен коронавирусот достигна бројка од 3.997.865, со 46.934 детектирани само во последните 24 часа.

Државата Сао Паоло, со популација од околу 46 милиони жители, која во исто време е и центар на трговијата во Бразил, претставува најпогоден регион во земјата со 826.331 позитивен случај на коронавирусот и 30.673 смртни случаи како последица на заразеност со Ковид-19.

Досега оздравеа 3.210.405 лица заразени со коронавирусот.

Бразил со население од над 211 милиони жители се именува како „епицентар на пандемијата“ во Латинска Америка.

- Индија

Министерството за здравство на Индија соопшти дека во последното деноноќие 1.043 лица починале како последица на заразувањето со новиот тип коронавирус, со што вкупниот број на смртни случаи во земјата се зголеми на 67.376.

Во последните 24 часа детектирани се 83.883 лицe позитивни на Ковид-19, со што вкупната бројка на заразени се зголеми на 3.853.406. Досега во Индија оздравеа 2.970.492 лица кои биле позитивни на Ковид-19.

Според информациите објавени на интернет-страницата „Worldometer“, која секојдневно ги ажурира информациите поврзани со пандемијата на коронавирусот во светот, Индија е трета земја во светот според бројот на детектирани случаи на заразување со Ковид-19.

- Мексико

Според информациите што ги објави Министерството за здравство на Мексико, во последните 24 часа од последици на заразувањето со Ковид-19 животот го загубиле 575 лица, со што вкупната бројка на починати се искачи на 65.816.

Бројката на лица позитивни на коронавирусот во Мексико изнесува 610.957, од кои 4.921 се детектирани во последните 24 часа.

Досега во оваа земја од Ковид-19 оздравеа 424.990 заразени.