Бројот на случаи со коронавирусот во светот надмина 43 милиони
Со пандемијата на Ковид-19 најтешко се погодени САД, со над 8,8 милиони заразени, следуваат Индија со над 7,86 милиони, Бразил со 5,38 милиони, Русија со 1,5 милиони
ЊУЈОРК (АА) - Бројот на случаи со коронавирусот во светот надмина 43 милиони, пренесува Агенција Анадолија (AA).
Порталот „Worldometer“ објавува ажуриран преглед на глобалната епидемиолошка слика од почетокот на пандемијата на Ковид-19, а според последните податоци, бројот на заразени во светот е зголемен на 43.002.322.
Со пандемијата на Ковид-19 најтешко се погодени Соединетите Американски Држави (САД), со над 8,8 милиони заразени.
Според бројот на заразени, по САД следуваат Индија со над 7,86 милиони, Бразил со 5,38 милиони, Русија со 1,5 милиони, Шпанија со 1,11 милиони заразени, Франција со 1,086 милиони, Аргентина со 1,081 милион, Колумбија 1,07 милиони, Мексико со 886.800 заразени, Перу со 886.214 и Велика Британија со 854.010 досега заразени.
Во светот досега од последиците на коронавирусот починаа 1.155.524 луѓе, над 31,7 милиони се излекувани, а бројот на активни случаи е над 10,1 милион.