Бројот на откриени случаи на Ковид-19 во светот надмина 90 милиони

АНКАРА

Бројот на откриени случаи на новиот вид коронавирус (Ковид-19) во светот надмина 90 милиони, пренесува Агенција Анадолија (АА).

Според интернет-страницата „Worldometers“, во светот со Ковид-19 се заразени 90.086.549 лица.

Најмногу случаи се откриени во Соединетите Американски Држави (САД), каде што со вирусот се заразени 22.699.938 лица.

По САД следуваат Индија (10.451.346), Бразил (8.075.998), Русија (3.379.103), Велика Британија (3.017.409), Франција (2.767.312), Турција (2.317.118), Италија (2.257.866), Шпанија (2.050.360), Германија (1.914.335), Колумбија (1.771.363), Аргентина (1.714.409), Мексико (1.524.036), Полска (1.376.389), Иран (1.280.438), Јужноафриканската Република (1.214.176), Украина (1.110.015) и Перу (1.032.275).

Во светот од Ковид-19 починаа 1.934.939 лица, додека 64.469.156 лица оздравеа од овој вирус.