Африка: Бројот на откриени случаи на Ковид-19 надмина 1 милион 413 илјади
Во последните 24 часа од Ковид-19 починале уште 129 лицa, со што вкупната бројка на починати се зголеми на 34.008
АБУЏА (АА) - Бројот на дијагностицирани случаи на новиот вид коронавирус (Ковид-19) на африканскиот континент надмина 1 милион 413 илјади, пренесува Агенција Анадолија (АА).
Според интернет-страницата „Worldometer“, во последните 24 часа на овој континент дијагностицирани се уште 7.443 случаи на Ковид-19.
Со ова, вкупната бројка на откриени случаи во Африка се искачи на 1.413.416.
Исто така, во последните 24 часа од Ковид-19 починале уште 129 лицa, со што вкупната бројка на починати се зголеми на 34.008.
Најмногу смртни случаи од Ковид-19 се регистрирани во Јужноафриканската Република (15.953 смртни случаи), по која следуваат Египет (5.770) и Алжир (1.830 смртни случаи).
Во Маврициус нема активни случаи, додека во Еритреја и на Сејшелите досега не се регистрирани смртни случаи од Ковид-19.
Најмногу случаи на Ковид-19 се откриени во Јужноафриканската Република (661.211), по која следуваат Египет (102.015) и Мароко (101.743).
Во Африка од вирусот досега излекувани се вкупно 1.158.805 лица.
