Спасена мачка откако се качила во спротивна насока на ескалатор на аеродром во Истанбул

ИСТАНБУЛ (АА) - Мачка качена на ескалатор во погрешна насока на Меѓународниот аеродром „Сабиха Ѓокчен“ во Истанбул е вратена на правилниот ескалатор од случаен минувач, јавува Анадолу.

Упорноста на мачката да се искачи со ескалаторот, кој се движи во спротивна насока, е снимена со мобилен телефон.

На снимката, споделена на социјалните мрежи, се гледа мачката како се бори да се искачи по скалите, но не може да стигне до горниот кат.

По неколку обиди да се искачи по скалите, случаен минувач ја зема мачката и ја става на десната страна, од каде што конечно стигнува до горниот кат.