Велосипедисти на турнеја низ светот стигнаа до својата последна станица, Турција

ИСТАНБУЛ (АА) - Велосипедистите кои возат тура низ светот денеска пристигнаа во Истанбул за да ја започнат својата турнеја низ Турција.

Кристијан Прис и Марен Хејгел со велосипедите поминале низ Киргистан, Таџикистан, Русија, Италија, Франција, Исланд, Романија, Грција и Бугарија. Сега тие се на својата последна станица, Турција.

Патешествието на Прис кое го однело во 50 земји низ целиот свет започнало пред 22 години.

Двајцата велосипедисти имаат за цел да посетат што е можно повеќе градови низ Турција, изјавија за Anadolu Agency (АА).

„Најдоброто нешто во врска со возењето велосипед е тоа што тоа е бавно патување, така што нема да пропуштите никакви детали“, рече Прис.

„Можете да ја истражувате природата одблизу. Полесно е да се разговара со луѓето, да се слушаат нивните приказни и да се научи нивната култура“, додаде тој.

Прис рече дека при своите патувања обично среќавал гостољубиви и љубезни луѓе низ светот.

Тој вели дека возењето велосипед е „превозно средство кое е најдобро наклонето кон природата“, и додаде: „Не ви треба гориво и не ја загадува природата. Паралелно, вие спортувате, што е добро за вашето тело.“

„За време на моето патешествие со велосипедот низ светот ги доживеав моите најубави моменти и моите најважни искуства во животот.“

Потсетувајќи се на своето прво патување во Истанбул, Прис рече: „Имавме можност да патуваме низ многу историски места со велосипед, но градот ни приреди изненадување; си заминавме накиснати.“

„Откако повторно ја започнавме нашата турнеја низ Турција, кога дојдовме во Истанбул, посакав да ја откријам убавината на градот. Покрај дождот, сето останато беше многу убаво.“

Хејгел се потсети на нејзината турнеја низ Романија, велејќи: „По посетата на многу земји, дојдовме во Романија. Населението беше зафатено со жетвата. Останавме со земјоделците во Романија и работевме заедно со нив... Правевме сирење и леб со нив. На овој начин ги запознавме подобро низ нивното секојдневје.“