Agnes Szücs
08 Мај 2023•Ажурирај: 09 Мај 2023
БРИСЕЛ (АА) - Претставниците на Европската Унија (ЕУ) ќе разговараат за новите санкции поврзани со руската војна против Украина, при што Европската комисија подготви нов пакет, објави официјален претставник денес, јавува Анадолу.
Говорејќи на дневниот брифинг, главниот портпарол на Европската комисија, Ерик Мамер, потврди дека извршното тело на ЕУ до земјите членки испратило предлог за 11-тиот пакет санкции.
„Амбасадорите на ЕУ ќе разговараат за предлогот во среда“, додаде тој.
„Овој пакет ќе се фокусира на спроведувањето на санкциите, нивната ефикасност и како да избегнеме нивно затајување“, објасни Мамер.
Тој рече дека новите мерки ќе се однесуваат на трговијата со Русија бидејќи ЕУ сака да „обезбеди Русија да не прима увоз од други земји“.
Според одредени медиуми, седум кинески компании ќе се најдат на црната листа поради наводи за продажба на опрема што ја користи руската армија.
Од почетокот на руската војна против Украина минатата година во февруари, ЕУ воведе 10 пакет-санкции против Москва.
Мерките се насочени, меѓу другото, кон рускиот претседател Владимир Путин и министерот за надворешни работи Сергеј Лавров, кон забраната за увоз на злато, нафта и јаглен и извоз на луксузни стоки и висока технологија, како и исклучување на руските и белоруските банки од меѓународниот платен систем СВИФТ.
