Србија: Починаа уште 17 лица од Ковид-19, 3.499 новозаразени

БЕЛГРАД

Во Србија 17 лица починаа од последиците на Ковид-19 во претходните 24 часа, заразени се уште 3.499, а до денес се хоспитализирани 3.564 лица, јавува Агенција Анадолија (АА).

Вкупно се регистрирани 77.264 случаи на заразување.

Од вчера, тестирани се 14.116 лица, од кои 3.499 се позитивни на Ковид-19.

Во истиот период, починаа 17 лица, со што бројот на починатите до сега се зголеми на 972. Процентот на смртност е 1,26 отсто.

На респиратори се 158 пациенти.

Досега се тестирани 1.482.280 граѓани.

Белград има најголем број на новозаразени и тоа 1.597, потоа Нови Сад со 330 новозаразени, Ниш со 113 и Крагујевац со 88.

Во установите за социјална заштита и домовите за сместување на стари лица, Ковид-19 е потврден кај 295 лица и 182 вработени, а излекувани се 1.155 лица и 466 вработени.