СКОПЈЕ (АА) - Повторно е прекината конститутивната седница на Парламентот на Косово поради недостаток на кворум, известува Анадолу.

Конститутивната седница во Парламентот на Косово започна со задоцнување од 30 минути, а со неа претседаваше најстариот пратеник Авни Дехари.

Претседавачот Дехари констатираше дека во салата се присутни 113 пратеници и дека седницата може да продолжи.

На почетокот на седницата Движењето „Самоопределување“ повторно се обиде да ја измени процедурата за гласање и побара формирање комисија за тајно гласање за избор на претседател на Парламентот за нивната кандидатката Албулена Хаџиу, но повеќето опозициски партии се спротивставија на формирањето ваква комисија и не номинираа свој член за неа.

Во своето обраќање претседавачот Дехари истакна дека пресудата на Уставниот суд ги обврзува пратениците да гласаат „за“ или „против“, а не да се воздржуваат од гласањето.

„За гласаа 56 пратеници, еден против и ниту еден воздржан“, изјави Дехари.

Кандидатката на Движењето „Самоопределување“, Албулена Хаџиу, не успеа да го обезбеди потребниот минимум од 61 глас, поради што седницата повторно беше прекината.