Балкан

Вучиќ: „Нема многу смисла обновата на авиолинијата Белград - Приштина додека не постои проток на стоки“

Вучиќ оцени дека Србија, да не биле таксите од 100 отсто на стоките кои одат во Косово, би имала раст на бруто-општествениот производ од 4,3 или 4,4 отсто наместо 4 или 4,1 отсто, и дека тоа тогаш би било најголем раст во Европа.

Bojana Stojanovıc  | 21.01.2020 - Обновена : 22.01.2020
Вучиќ: „Нема многу смисла обновата на авиолинијата Белград - Приштина додека не постои проток на стоки“

БЕЛГРАД (АА) - Српскиот претседател Александар Вучиќ денеска изрази уверување дека опстанокот на таксите кои Приштина ги воведе на стоките од Србија и Босна и Херцеговина е неодржлив, и дека дел од тој проблем ќе биде решен по формирањето на новата Влада на Косово, пренесува Агенција Анадолија (АА).

„Верувам дека тоа е неодржливо и дека со формирањето влада во Приштина дел од проблемите ќе биде решен, кој и да ја формира таа влада. Јасно е дека без Српската листа тоа нема да се случи и тоа ќе биде едно од клучните барања на Српската листа“, изјави Вучиќ во Давос.

Тој оцени дека Србија, да не биле таксите од 100 отсто на стоките кои одат во Косово, би имала раст на бруто-општествениот производ од 4,3 или 4,4 отсто наместо 4 или 4,1 отсто, и дека тоа тогаш би било најголем раст во Европа.

„Затоа од пресудно значење е да се укинат таксите“, изјави тој.

Тој оцени и дека нема многу смисла обновата на авиолинијата меѓу Белград и Приштина и зборување за воведување железничка линија, доколку не постои можност за проток на стоки.

Вучиќ изјави дека немал блиска средба со косовскиот претседател Хашим Тачи во Давос и дека двајцата учествувале на неформален собир.


На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın