Gorana Jakovljevic
12 Октомври 2024•Ажурирај: 14 Октомври 2024
САРАЕВО (АА) – И денес специјализираните спасувачки екипи ја продолжуваат потрагата по настраданите од поплавите и свлечиштата на подрачјето на општините Јабланица и Коњиц во Босна и Херцеговина, јавува Анадолу.
Од Федерлната управа за цивилна заштита (ФУЦЗ) наведуваат дека кога станува збор за Јабланица, патната комуникација со соседните општини, како и со одредени населени места на подрачјето на општината е во прекин, а се работи на санација и расчистување на патиштата.
Потсетуваат дека со одлука на Федералното министерство за транспорт и врски, главната магистрална делница М-17 е отворена за сообраќај за сите возила во периодот од 19:00 до 07:00 часот, додека сообраќајот за сите возила ќе биде во прекин во временскиот интервал од 07:00 до 19:00 часот.
„Сѐ уште е во прекин снабдувањето со електрична енергија во одредени подрачја на општината. Се работи на отстранување на дефектите. Ист е случајот и со водоснабдувањето, мобилната и фиксната телефонија. Специјализираните спасувачки тимови продолжуваат со потрагата по исчезнатите лица. Покрај домашните, на терен се и тимови од соседните држави. Ангажирани се и голем број волонтери кои помагаат во доставата на храна, лекови и останатите потреби“, објави ФУЦЗ.
Во Коњиц спасувачките тимови сè уште го пребаруваат погоденото подрачје со цел пронаоѓање на исчезнатите лица.
„Пристигнатите контејнери се поставуваат на предвидените безбедни места за сместување на загрозените. Снабдувањето со храна, лекови и основни потреби се одвива непречено“, додаде ФУЦЗ.
Со помош на тешка механизација се санира регионалниот пат Острожац - Парсовиќи - Фојница (R437). За санација на локалните патишта Бутуровиќ Поље - Сеоница - Вишњевице, Кралупи - Трешњевице ќе биде потребно подолго време.
Состојбата во општините Кисељак, Фојница и Крешево не е променета, и понатаму е во тек расчистувањето и санација на теренот.
