Анкара: Поџиќ и Акар потпишаа Договор за воено-финансика соработка на БиХ и Турција

АНКАРА

Официјалните претставници на Босна и Херцеговина и Турција потпишаа Договор за воено-финансиска соработка, јавува Агенција Анадолија (АА).

Во соопштението на Министерството за одбрана на Република Турција, се наведува дека министерот за одбрана на таа земја, Хулуси Акар се состанал со министерот за одбрана на БиХ, Сифет Поџиќ.

Акар го пречека Поџиќ во Министерството за одбрана во Анкара, а следуваше средба на двајцата министри како и состанок на делегациите.

На состаноците е разговарано за соработката во полињата на одбрамбена индустрија, одбрана и безбедност.

Акар го честиташе Денот на независност на Босна и Херцеговина, а за време на разговорот е укажано на билатералниот однос заснован на долгогодишните историски врски, солидарност и доверба. Разговарано е и за значењето на активностите на јакнење на соработката меѓу Турција и БиХ и зголемување на воените обуки.

По состанокот министрите Акар и Поџиќ потпишаа Договор за воено-финансиска соработка и Имплементациски протокол за финансиска помош.