لە سلێمانی پێنج کەسى دیکە بەھۆی کۆرۆنا گیانیان لە دەست دا

ھەولێر - AA
وەزارەتی تەندروستیی ھەرێمی کوردستان، گیانلەدەستدانی پێنج کەسی دیکەی بە ڤایرۆسی کۆرۆنای نوێ (COVID-١٩) لە شاری سلێمانی راگەیاند.

لە راگەیەنراوێکدا وەزارەتی تەندروستیی ھەرێمی کوردستان ئاماژەی بەوەداوە، پێنج تووشبووی دیکە بە پەتای ڤایرۆسی کۆڕۆنای نوی (COVID-١٩) گیانیان لە دەستداوە یەک تووشبووی نوێ گیانی لە دەستدا و چوار لە تووشبووانی پێشوو کە لەسەر ئامێری ھەناسەدان بوون گیانیان لە دەستدا.

وەزارەتی تەندروستیی ھەرێمی کوردستان راشیگەیاندووە، تووشبووەکان دوای خەواندن و مانەوە لە نەخۆشخانە لە بەشی چاودێری چڕ و مانەوە لەژێر ئامێری ھەناسەدانی دەستکرد، گیانیان لەدەستداوە.

بەپێی ئەو ئامارانەی کە وەزارەتی تەندروستیی حکوومەتی ھەرێمی کوردستان بڵاوی کردوونەتەوە، تا ئێستا ھەزار و ٢٢٢ کەس تووشی ڤایرۆسی کۆرۆنای نوێ (COVID-١٩) بوون، لەنێویاندا ٢٤ مردن ھەیە و ٤٤٨ نەخۆش چاکبووەتەوە، وە ئێستا ٧٥٠ نەخۆش لەژێر چاودێری پزیشکی دان.