لە ئوستراڵیا یەکەم نوێژی تەراویحی رەمەزانی ئەمساڵ ئەنجامدرا

یەکەم نوێژی تەراویحی مانگی رەمەزانی ئەمساڵ لە مزگەوتەکانی ئوسترالیا ئەنجام درا کە زیاتر لە ٥٠٠ هەزار موسوڵمان لەو وڵاتە دەژین.

یەکەم نوێژی تەراویحی مانگی رەمەزانی ئەمساڵ لە سەرانسەری ئوسترالیا بە بەشداری دەیان هەزار موسوڵمان لە زیاتر لە ٢٠٠ مزگەوتی ئەو وڵاتە و چەند شوێنێک کە بەکرێ گیرابوون ئەنجامدرا.

لە مزگەوتی میادۆو هایتس لە مێلبۆرن سەدان موسوڵمان لە نەژادە جیاوازەکان سەرەتا گوێیان لە وتاری پێشوازی مانگی رەمەزان گرت، دواتر نوێژی خەوتنان و دواتر یەکەم نوێژی تەراویحی مانگی رەمەزانی ئەمساڵیان ئەنجامدا.