سەرکونسوڵی تورکیا لە ھەولێر منداڵانی توشبوو بە تەلاسیما بەسەر کردەوە

سەرکونسوڵی تورکیا لە شاری ھەولێر، محەمەد ئاکیف ئینام سەردانی بنکەی تەندروستی تەلاسیمای کرد لە شاری ھەولێر .

ئینام بەمەبەستی بەسەرکردنەوەی منداڵانی تووشبوو بە نەخۆشی تەلاسیما سەردانی ئەو بنکە تەندروستییەی کرد و خەڵاتی ھیڵی ئاسمانی تورکی بەسەر ئەو منداڵانە دابەشکرد.

بەم پێیەش لە دوای سەردانەکە سەرکونسوڵی تورکیا ئینام بە رۆژنامەوانانی راگەیاند کە بەمەبەستی چاودێری دۆخی منداڵانی توشبوو بە نەخۆشی تەلاسیما سەردانی ئەو بنکەیان کردووە و زانیاریان لەسەر ئەو منداڵانەش وەرگرتووە کە لە تورکیا لە ژێر چارەسەریی دان. گوتیشی: "بە پاڵپشتی ھێڵی ئاسمانی تورکی ئەم منداڵانەمان بەسەرکردەوە و گفتوگۆی ئەوەمان کرد کە ئایا چۆن دەتوانین ھاوکاری ئەم بنکە تەندروستییە بکەین".

ئینام جەختیشی لەوە کردەوە کە پەیوەندی تورکیا و حکوومەتی ھەرێمی کوردستان چەندین رەھەندی جیای لەخۆ گرتووە و بواری تەندروستیش یەکێکە لەمانە.