بەسەربردنى تەمەنێک لەگەڵ پينەدۆزى لە نێو دووكانێكى يەك مەتريدا

ئەرزەڕۆم - AA

نيهاد ماڵاجى، تەمەن ٧٨ ساڵان كە لە منداڵييەوە لە ئەرزەوڕۆم دەستى بە پيشەى پينەدۆزى كردووە، تاكو ئێستا لە ناو دووكانە يەك مەترييەكەیدا بە ئارەقەى ناوچەوانى بژێوى ژيانى پەيدادەكات.

ماڵاجى، پێش ٣٥ ساڵ ئەم دووكانەى لە گەڕەكى ئيبراهيم پاشا لە ناوەندی شارۆچكەى ياكوتيا كردووەتەوە، لێرەوە بەردەوامی دا بە پەيداكردنى بژێوى ژیانی.

ماڵاجى، بەهۆى بچووكى دووكانەكەيەوە كە تەنانەت ناتوانيت لە وەرزى زستاندا سۆبایشى لەناودا دابنێت، سەرەڕاى ساردی كەشوهەوا، كارەكانى بە جۆش و خرۆشى يەكەم رۆژی کارکردنیی ئەنجامدەدات.

دواى گيانلەدەستدانى هاوسەرەكەى، ماڵاجى لە پێنج منداڵى لەگەڵ بچووكترينيان ژيان بەسەردەبات.

نيهاد مالاجى، كە خاوەن ٧١ ساڵ ئەزموونى پينەدۆزييە، بە پەيامنێرى ئاژانسى ئانادۆڵوى گوت، لە منداڵييەوە بە شاگردى دەستى بەو كارە كردووە و تاكو ئێستا بە خۆشييەوە بەردەوامە.

ماڵاجى، ئاماژەى بەوەكرد كە هەر لە شاگردايەتييەوە پيشەكەى كردووەتە پێشەنگى هەموو شتێك و رایگەیاند، پيشەكەى لە وەستا پينەدۆزەكەيەوە فێربووە كاتێك خوالێخۆشبووى باوكى بردوويەتى بۆلايى و پێى گوتووە "گۆشتى بۆ تۆ و ئێسكى بۆ من".

ماڵاجى، ئەوەشى ئاشكراكرد كە لە دواى ٢٥ ساڵ و شەش مانگ كاركردن وەك كارگوزار لە زانكۆى ئاتاتورك خانەنشين كراوە و گوتى، "هيچ لە پيشەكەم دوورنەكەوتوومەتەوە. لەو كاتەشدا لە دواى دەوام دەهاتم ئەم پيشەيەم دەكرد. دووكانەكەم هيچ کات دانەخراوە. تەماشاى گەنجەكانى ئێستا دەكەم، هەر تۆزێك كێشەيان هەبێت دەست بە شەڕ و لێكجيابوونەوە دەكەن. سوپاسگوزارى خواى گەورە و قەناعەتيان نييە".