ئهنقهره - AA
وهزیری پهروهردهی توركیا، زیا سهلجوق لهبارهی كردنهوهی دەرگای ناوهندهكانی خوێندن رایگهیاند: "كاتێك ئاگادار كراینهوه لهوهی له قۆناغێكدا مهترسیی نهماوه؛ ئهوا لهو كاتهدا (ناوهندهكانی خوێندن) دهكهینهوه".
سهلجوق دوای بهشداریكردنی له رێوڕهسمی بهخشینی "بهڵگهی پاكوخاوێنی قوتابخانهكان" كه له میانی بهرنامهی گرتنهبهری رێوشوێنهكان بۆ رێگهگرتن له بڵاوبوونهوهی پهتاكان و باشتركردنی ههلومهرجی پاكوخاوێنی له دامهزراوه پهروهردهیییهكان له قوتابخانهی سهرهتایی موگوشۆڵوك بهڕێوه چوو، وهڵامی پرسیاری رۆژنامهوانانی دایهوه.
سهلجوق لهبارهی كردنهوهی دەرگای ناوهندهكانی خوێندن رایگهیاند: "كاتێك ئاگادار كراینهوه لهوهی، له قۆناغێكدا مهترسیی نهماوه؛ ئهوا لهو كاتهدا (ناوهندهكانی خوێندن) دهكهینهوه".
ناوبراو به تیشك خستنه سهر ئهوهی كه چهند ناوچهیهك ههن كه پاشخانێكی تهواویان نییه بۆ خوێندنی ئهلیكترۆنی گوتی: "بۆ نموونه ناوچه كوێستانییهكان و ئاوایییهكان. ههنگاوی پێویست دهنێین لهمبارهیهوه".
وهزیری پهروهردهی توركیا ههر سهبارهت به خوێندن به شێوهی ئهلیكترۆنی گوتیشی: "ژێرخانێكمان ئاماده كردووه كه دایك وباوكی قوتابییان، قوتابییان، مامۆستایان، كارمهنده مهدهنییهكانمان له رێگای بهكارهێنانی كۆدی ژیان له ماڵهوه دهتوانن نووسراوهكان ببینن و له رێگای مۆبایلی بهڕێوهبهری قوتابخانهوه بۆیان رهوان بكرێت. لهگهڵ وهزارهتی تهندروستی له ههماههنگیداین. وردهكارییهكانی ئهمه له چهند ههفتهی داهاتوودا دهخهینه ڕوو".
