Heman Hussein Yaseen
01 کانوونی دووەم 2023•نوێکردنەوە: 02 کانوونی دووەم 2023
هەولێر - AA
بەڕێوەبەرایەتیی گشتیی تەندروستیی ھەولێر راگەیەندراوێکی بڵاو کردووەتەوە و تیایدا ئاماژەی بەوەکردووە کە وەکو ئامادەباشییەک بۆ رووبەڕووبوونەوەی ھەر حاڵەتێکی لەناکاو چەند تیمێکی تەندروستییان پێکهێناوە.
ئەوەشی خستووەتەڕوو کە شەوی رابردوو لە رێگای ١٠ تیمی پزیشکییەوە چارەسەری چەند حاڵەتێکی برینداربوونی جۆراوجۆر کراوە.
راشیگەیاندووە کە شەوی رابردوو، تیمەکانیان پێشوازییان لە ٣٠ حاڵەتی برینداربوونی جۆراوجۆر کردووە کە لە میانی بەڕێوەچوونی ئاھەنگی ساڵی نوێ برینداربووبوون و پێویستییان بە چارەسەرکردن ھەبووە و چارەسەری پێویستییان بۆ ئەنجامدراوە.
