عومرەکارێکی هەرێمی کوردستان لە مەککە کۆچی دوایی کرد

هەولێر-AA

وەزارەتی ئەوقاف و کاروباری ئایینی هەرێمی کوردستان کۆچی دوایی عومرەکارێکی هەرێمی کوردستان لە شاری مەککە لە سعوودیە راگەیاند.

لەو راگەیەندراوەی کە لە وەزارەتی ئەوقاف و کاروباری ئایینی هەرێمی کوردستانەوە بڵاوکراوەتەوە، ئاماژه‌ به‌وه‌ كراوه‌، عومرەکارێک بەناوی فاتیمە حەسەن رەسوڵ کە پیشەی مامۆستایە و دانیشتووی شاری رانیەیە، بەھۆی نەخۆشی لە شاری مەککە کۆچی دوایی کردووە.

وەزارەتی ئەوقاف و کاروباری ئایینی هەرێمی کوردستان سەرەخۆشی و ھاوخەمی ئاراستەی بنەماڵە و کەسوکاری ئەو عومرەکارە کردووە و داوای لێخۆشبوونی لە خودا بۆ کۆچکردوو کردووە.