سلێمانی.. تێکدانی سێ کورەى رەژووکردن لە ناڵپارێز

سلێمانی - AA

لە چوارچێوەی رێگرییەکان لە بڕینی دار و رەژوو کردنیان، سێ کورەى رەژوو تێکدەدرێت.

لەئێستادا بڕینى دارى دارستانەکان و رەژووکردن بۆتە دیاردەیەک لەلایەن هەندێک لە هاووڵاتییان و گوندنشینان، هەرچەندە مەفرەزەکانى پۆلیسى دارستان بەردەوامن لە رێگریکردن لە سەرپێچیکاران، بەڵام هاووڵاتییان بێگوێدانە بەرپرسیاریەتى، سروشت و ژینگەى کوردستان دەشێوێنن بۆ ئەو مەبەستە توانرا لە بنکەى ناڵپارێز سێ کورەى رەژوو تێکبدرێت.

لەمبارەیەوە بەڕێوەبەری راگەیاندن لە بەڕێوەبەرایەتی پۆلیسی دارستان و ژینگەی سلێمانی، عمید هێمن كمرخان رایگەیاند "لە ئەنجامی دەرچوونێکی مەیدانی مەفرەزەیەکی بنکەی پۆلیسی دارستان و ژینگەی ناڵپارێز بۆ سنووری گوندەکانی (مێرگەسور، دۆڵە چەوت و رەزڵە) بە سەرپەرشتی ئەفسەری بنکەی ناڵپارێز توانرا سێ کورەی خەڵووز تێکبدرێت، هەروەها دەستگیرا بەسەر ژمارەیەکی زۆر لە خەڵوزی ئامادەکراو، بەڵام خاوەنەکەی نادیارە".