بەرز راگرتنی یادی کۆڕەوی ملیۆنی لە چیای ئەزمەڕی سلێمانی

سلێمانی-AA

له‌سه‌ر چیای ئه‌زمه‌ڕ كه‌ به‌سه‌ر سلێمانیدا ده‌ڕوانێت و به‌رزترین چیای زنجیره‌ شاخی گۆیژه‌یه‌، یادی كۆڕه‌و به‌رز راگیرا.

بەدرووشمی "کۆڕەو هاواری تاساوی کوردی بەنێودەوڵەتی کرد"، بە ئامادەبوونی سەرۆکی ئەنجومەنی پارێزگای سلێمانی، ئازاد محه‌مه‌د ئەمین، رۆشنبیران، مامۆستایان، رۆژنامەنووسان، چالاکوان و رێکخراوەکانی کۆمەڵگەی مەدەنی لە چیای ئەزمەڕ ساڵیادی کۆڕەوی ملیۆنیی مانگی ئازاری ١٩٩١ بەڕێوەچوو.

رێوڕه‌سمه‌كه‌ی ساڵیادی كۆڕه‌و كه‌ بۆ یه‌كه‌مجار بوو رێكده‌خرا، بەسەرپەرشتی کۆمەڵەی کەلەپوور و فۆلکلۆری کورد، گۆڤاری شارباژێڕ، بووژانەوەی کولتوور و کەلەپووری کورد سازكرابوو.

دوای پێشکەشکردنی گوتاری تایبەت بە كۆڕه‌و لەلایەن بەشداربووانەوە، پێشانگایەکی فۆتۆگرافی تایبەت بە کۆڕەوەکە نیشان درا.