خۆپیشاندانه‌كان كه‌ركوكیشی گرته‌وه‌

ھەولێر - AA

ئەمڕۆ بۆ رۆژی دووەم لەسەر یەک خۆپیشاندانەکانی چەند ناوچەیەکی عێراق بەردەوامییان ھەبوو پاش ئەوەی دوێنێ سێشەممە سەریان ھەڵدا و بەغدا و چەند پارێزگایەکیشی گرتەوە.
لەپێی چەند شاھێدحاڵێکی خۆپیشاندانەکان ئەمڕۆ لە کەرکوکیش خۆپیشاندانەکان دەستییان پێکرد و سەدان خۆپیشاندەر لەبەردەم باڵەخانەی ئەنجوومەنی پارێزگای کەرکوک کۆبوونەوە و داوای رووخانی حکوومەتییان دەکرد.

حەبیب شمەری ئەفسەر لە پۆلیسی کەرکوک لە لێدوانێکدا بۆ ئاژانسی ئانادۆڵو گوتی" ئەمڕۆ سەدان کەس لەبەردەم باڵەخانەی ئەنجوومەنی پارێزگا کۆبوونەوە و داوای رووخانی حکوومەتی خۆجێیان کرد بۆ ئەوەی حکوومەتێکی نیشتمانیی دوور لە حزبە سیاسییەکان دروست بکرێت".