پێشبڕكێیه‌كی وێنه‌كێشان بۆ منداڵان له‌ هه‌ولێر

هه‌ولێر - AA
له‌نێو هۆڵی وێنه‌كێشان چه‌ندین دایك و باوك له‌گه‌ڵ منداڵه‌كانییان هاتبوون بۆ به‌شداریكردن له‌و پێشبڕكییه‌.
ئه‌مڕۆ یه‌كشه‌ممه‌ له‌ شاری یاری سمایلاند پێشبڕكێیه‌كی وێنه‌كێشان بۆ سه‌دان منداڵ كرایه‌وه‌ كه‌ تێیدا له‌ ته‌مه‌نی 7 ساڵییه‌وه‌ تاوه‌كو ته‌مه‌نی 15 ساڵی به‌شدارییان تێداكردبوو.
نوێنه‌ری كۆمپانیای سمایلاند حاجی ئاغا له‌ لێدوانێكدا بۆ ئاژانسی ئانادۆڵو رایگه‌یاند: "ئه‌مڕۆ ئه‌م پێشبڕكێیه‌مان ده‌ستپێكرد به‌مه‌به‌ستی به‌رزكردنه‌وه‌ی ئاستی هونه‌ریی منداڵان و دڵخۆشكردنییان . كه‌ ژماره‌ی منداڵان نزیكه‌ی 200 منداڵ ده‌بن له‌م پێشبڕكێیه‌ به‌شداری ده‌كه‌ن و، له‌كۆتاییدا خه‌ڵات به‌سه‌ر سه‌ركه‌وتوواندا دابه‌ش ده‌كرێت".
هه‌روه‌ها گوتیشی: "له‌به‌ر زۆریی ژماره‌ی منداڵان كردوومانن به‌ سێ قۆناغ و، پێشبڕكێیه‌كه‌ش به‌گشتی بۆ ماوه‌ی سێ رۆژ به‌رده‌وام ده‌بێت".
له‌ هۆڵه‌كه‌دا زۆرێك له‌ منداڵان سه‌رقاڵ بوون به‌ وێنه‌كێشانه‌وه‌ و دڵخۆشبوون و، داوایان ده‌كرد كه‌ پێشبڕكێی له‌و چه‌شنه‌ زۆرتر و به‌رده‌وام بێت.