مەسعود بارزانی پشتگیریی خۆی بۆ مستەفا كازمی راگەیاند

هەولێر - AA

سەرۆكی پێشووی هەرێمی کوردستان، مەسعود بارزانی لەڕێی تەلەفۆنەوە پەیوەندی بە راسپێردراو بۆ پێکهێنانی کابینەی نوێی حكوومەتی عێراق، مستەفا كازمی كرد.

بەپێی هەواڵێکی ماڵپەڕی تایبەتی مەسعود بارزانی، لەو پەیوەندییە تەلەفۆنییەدا سەرۆكی پێشووی هەرێمی کوردستان پشتگیریی خۆی بۆ راسپاردنی مستەفا كازمی بۆ سەرۆكایەتیی حكوومەتی عێراق راگەیاندووە و هیوای سەركەوتنی بۆ خواستووە.

مەسعود بارزانی هیوای خواستووە كە ئەو هەنگاوە ببێتە هۆی لەیەكنزیكبوونەوەی هەموو پێكهاتەكانی عێراق و دەروازەیەكیش بێت بۆ چارەسەربوونی كێشە و قەیرانەكانی عێراق.