مەسعود بارزانی و موقتەدا سەدر پەیوەندییەکی تەلەفۆنییان ئەنجامدا

هەولێر - AA

سەرۆکی پارتی دیموکراتی کوردستان، مەسعود بارزانی و رێبەری رەوتی سەدر، موقتەدا سەدر پەیوەندییەکی تەلەفۆنییان ئەنجامدا.

بەگوێرەی ئەو راگەیەندراوەی کە لە بارەگای بارزانییەوە بڵاوکراوەتەوە، لە میانی پەیوەندییە تەلەفۆنییەکەدا، مەسعود بارزانی و موقتەدا سەدر گفتوگۆیان لەبارەی بارودۆخی سیاسی و دوایین پێشهاتەكان کردووە.

لە راگەیەندراوەکەدا ئاماژە بەوەشدراوە کە هەر لە میانی پەیوەندییە تەلەفۆنییەکەدا جەخت لە پێویستیی هەماهەنگیی و لەیەكنزیكبوونەوەی پێكهاتەكان، بەمەبەستی بەدیهێنانی بەرژەوەندیی عێراق كراوەتەوە.