سووریا.. رژێم غوتەی رۆژهەڵاتی بۆردومان كرد

دیمەشق ــ AA

بە هۆی بۆردومانی هێزەكانی رژێمی ئەسەد بۆ سەر شارۆچكەی عەین ترمە لە غوتەی رۆژهەڵات سەر بە پارێزگای دیمەشق كە دەكەوێتە چوارچێوەی ناوچەكانی كەمكردنەوەی گرژییەكان، دوو هاووڵاتی مەدەنی كوژران و، ٢٠ی دیكەش برینداربوون.

بەرپرس لە تیمی بەرگری شارستانی ناوچەكانی ژێر كۆنتڕۆڵی ئۆپۆزسیۆن لە دەورووبەری دیمەشق، مەحمود ئەدهم رایگەیاند كە رژێم ١٦ هێرشی ئاسمانی کردووەتە سەر شارۆچكەی عەین ترمەی و هەروەها ٧٠ مووشەكی زەمین بە زەمینی ئاراستەی ناوچەکەو كردووە.

مەحمود ئەدهم ئاماژەی بەوەشدا كە بە هۆی بۆردومانەكانەوە، دوو مەدەنی كوژران و ٢٠ی دیكەش برینداربوون كە حەوتیان پیاو و هەشتیان دیكەیان منداڵ و پێنجەكەی دیكەشیان ئافرەتن.

لای خۆیەوە چالاكوانی میدیایی لە عەین ترمە، عەممار ئەبو سلێمان بە ئاژانسی ئانادۆڵوی راگەیاند كە بە هۆی هێرش و بۆردومانەكانەوە، ژمارەیەك خانوو لە شارۆچكەكە رووخاون و ئاماژەی بەوەش دا كە رژێم وەك تۆڵەكردنەوە لە هێزەكانی ئۆپۆزسیۆن، شارۆچكەكە بۆردومان دەكات.

غوتەی رۆژهەڵات دەكەوێتە ناوچەكانی كەمكردنەوەی گرژییەكان كە پێشتر لە لایەن توركیا، رووسیا و ئێران دیار يكراوە.