دەستپێکردنی پێنجەمین دیداری سلێمانی

سلێمانی - AA
دیدارەکە لە لایەن زانکۆی ئەمریکی لە باڵەخانەی زانکۆکە لە شاری سلێمانی بەڕێوەدەچێت و ماوەی دوو رۆژ دەخایەنێت، تێیدا ھەریەکە لە سەرۆکوەزیرانی عێراق، حەیدەر عەبادی و نزیکەی ٢٠٠ بەرپرسی حکوومی و حزبی و کەسانی خاوەن بڕیار و سەرمایەدار و رۆژنامەنووسانی بەناوبانگی جیھانی بەشدارن.
دیدارەکە لەژێر دروشمی "قۆناغی دوای داعش، کۆتایھێنان بەگێژاوی شەڕ، بەرەو چارەسەری بەردەوام" بەڕێوەدەچێت و ھەشت پانێڵ لەسەر ئەو پرسە لە خۆ دەگرێت.
بەڕێوەبەری ڕاگەیاندن و پەیوەندیەکانی زانکۆی ئەمریکی، بژار عەلی بۆسکانی لەو باریەوە بەئاژانسی ئانادۆڵوی راگەیاند "بەشێکی گفتوگۆکان تایبەت دەبن بەدۆزینەوەی رێگەچارەی گونجاو بۆ کێشە چەقبەستووەکان لە دوای داعش".