باخچەلی: "مەهەپە بەبێ مەرج پشتیوانی یاسای لەسێدارەدان دەکات"

ئەنقەرە-AA

لە میانی گوتارێکیدا لە کۆبوونەوەی فڕاکسیۆنی پارتەکەی لە پەرلەمانی تورکیا، سەرۆکی گشتی مەهەپە، دەولەت باخچەلی گوتی: "ناپاکەکان لە لەسێدارەدان ناترسن، ئەگەربێت و گەلەکەشمان پێداگیری بکەن لەسەر گەڕانەوەی یاسای لەسێدارەدان ئەوا ئەوکات ئەوەی لەسەرمانە یاسایەکە بگەڕێنینەوە پەرلەمان. دەبێت سزای ئەوکەسانە بدەین کە دوژمنایەتی تورکیا دەکەن".

گوتيشی: "ئاک پارتی کە بابەتی لەسێدارەدانی هێنایەوە رۆژەڤەوە با لەوە دڵنیا بێت کە بەڵێنی مەهەپە بەڵینە و بەبێ هیچ مەرجێک پاڵپشتی یاساکە دەکات".

باخچەلی هاتە سەرباسی ئەوەی کە لەبەرچی دەڵێن بەڵی و چی دەکەین و، گوتی: "ئایە لە پاڵ فەتۆ دەوەستاین؟ ئەگەر بڵێین بەڵی ئایا پێچەوانەی قسەکانی دوێنێمان دەکەین؟ ئێمە لە چی پێچەوانە جوڵاینەوە؟ پەکەکە، جەهەپە، ئەمەپە، ئۆدەپە و تەکەپە پشتبەستن بەو رۆشنبیرانەی دەستیان سوورە بەخوێنی راستڕەوەکان ئایا داڕمان و لێکدژی نییە؟.