ئەمشەو ئەردۆغان لەگەڵ ترەمپ کۆدەبێتەوە

نیویۆرک - AA

سەرکۆماری تورکیا، رەجەب تەیب ئەردۆغان، ئەمشەو کاتژمێر ٢٢:٠٠، لە ھۆتێلی لۆت نیویۆرک پاڵاس، کۆبوونەوەیەکی دووقۆڵی لەگەڵ سەرۆکی ئەمریکا، دۆناڵد ترەمپ ئەنجام دەدات.

لەمیانی کۆبوونەوەکانی خولی ٧٢مینی کۆمەڵەی گشتی نەتەوە یەکگرتووەکان لە نیویۆرک، ئەردۆغان ژمارەیەک کۆبوونەوەی دوو قۆڵی لەگەڵ سەرکردەی وڵاتان ئەنجام دا.

لەو چوارچێوەیەدا ئەردۆغان ئەمشەو بڕیارە لە شاری نیویۆرک لەگەڵ دۆناڵد ترەمپ کۆببێتەوە.

کۆبوونەوەی ھەردوو سەرکردە کاتژمێر ٢٢:٠٠ لە ھۆتێلی لۆت نیویۆرک پاڵاس بەڕێوە دەچێت.

چاوەڕوان دەکرێت دوای کۆبوونەوەکە، ئەردۆغان و ترەمپ لێدوانێکی رۆژنامەوانی ھاوبەش بدەن.