بڕۆکسل- AA

لە یەکەم هەڵوێستیدا سەبارەت بە هەڵبژاردنەکانی تورکیا، یەکێتیی ئەورووپا جەختی لە ''بەردەوامیی هاریکارییەکان لەگەڵ تورکیادا" کردەوە.

گوتەبێژی یەکێتیی ئەورووپا، مارگاریتیس شیناس لە کۆنگرەی رۆژنامەوانیی رۆژانەی خۆیدا، گوتی: "هیوادارین تورکیا بە سەرۆکایەتی سەرکۆمار، رەجەب تەیب ئەردۆغان بەردەوام بێت لەوەی لە بابەتە گرنگەکانی هاوشێوەی کۆچ، ئاسایش، سەقامگیریی ناوچەکە و بەرەنگاربوونەوەی تیرۆر هاوبەشی یەکێتیی ئەورووپا بێت".

چاوەڕوان دەکرێت، نوێنەری باڵای یەکێتیی ئەورووپا لە سیاسەتی دەرەکی و کاروباری ئاسایش، فێدێریکا مۆگێرینی لە میانی کۆبوونەوەی کۆنسەی وەزیرانی دەرەوەی وڵاتانی ئەندام لە یەكێتیی ئەورووپادا کە بڕیارە لە لۆکسەمبۆرگ بەڕێوەبچێت، روونکردنەوەیەکی گشتگیرتر لەوبارەیەوە بدات.