یۆنان.. لە کەمپێکی پەنابەران لە دوورگەی ساموس ئاگر کەوتەوە

ساموس-AA

بەیانی ئەمڕۆ لە کەمپێکی پەنابەران لە دوورگەی ساموس سەربە یۆنان ئاگر کەوتەوە.

ئاگرەکە بەخێرایی تەشەنەی سەند و خیوەتەکانی پەنابەرانی سووتاند.

دواتر تیمەکانی ئاگرکوژێنەوە گەیشتنە شوێنی رووداوەکە و ئاگرەکەیان کۆنترۆڵ کرد، بەڵام ٢٠ خیوەت بەتەواوی سووتان.

بەهۆی نائارامی کەمپەکەوە، پەنابەران گواسترانەوە بۆ شوێنێکی ئارام، تا ئێستاش هیچ زانیارییەک لەبارەی بوونی حاڵەتی گیانلەدەستدان و برینداربوون نەخراوەتەڕوو.

جێی ئاماژەیە کەمپەکە نزیکەی چوار هەزار و ٥٠٠ پەنابەر لەخۆدەگرێت.