کۆشکی سپی: ''بایدن رەوشی تەندروستیی باشە''

نیویۆرک - AA

کۆشکی سپی ئەمریکا، بڵاویکردەوە سەرۆکی وڵاتەکەی، جۆ بایدن کە بەهۆی وەرگرتنی چارەسەری ددانەوە بەرنامەکانی ئەمڕۆی هەڵوەشاوەتەوە، باری تەندروستیی باشە.

گوتەبێژی کۆشکی سپی ئەمریکا، کارین ژان-پیر لە کۆنگرەیەکی رۆژنامەوانیی رۆژانەیدا، وەڵامی پرسیاری رۆژنامەنووسانی دایەوە.

ژان پیر باسی لەوە کرد، بایدن دوێنێ ئێوارە توشی ئازاری ددان بووە، بە هۆیەوە دەرمانی بێهۆشکردنی وەرگرتووە و بە بڕینی دەماری ددانی چارەسەری بۆ کراوە و نەشتەرگەریەکەشی سەرکەوتوو بووە و، گوتی: ''سەرۆک بایدن باشە و ئەمڕۆ لە نووسینگەکەی کار دەکات''.

هەروەها ژان پیر باسی لەوە کرد کە سەرۆک وەک زۆرێک لە ئەمریکییەکان چارەسەری وەرگرتووە بە بڕینی دەمار، لەبەرئەوە ئەمە کاتێکی رۆتینییە.