Ahmet Dursun
13 حوزەیران 2023•نوێکردنەوە: 13 حوزەیران 2023
ئەنقەرە – AA
فەرماندەیی ناوەندی هێزەکانی ئەمریکا (CENTCOM) لە راگەیەندراوێکدا ئاماژەی بەوە داوە لە ئاکامی رووداوێکی تێکشکانی هەلیکۆپتەردا لە رێککەوتی ١١ی حوزەیران لە باکووری رۆژهەڵاتی سووریا ٢٢ سەربازی ئەمریکی بریندار بوون.
ئاماژە بەوە دراوە جۆری برینداربوونی سەربازەکان لێک جیاوازە و چارەسەری پزیشکی وەردەگرن، باس لەوەیش کراوە ١٠ لەو بریندارانە رەوانەی "یەکەکانی چاودێریی چڕ"ی دەرەوە سنووری دەسەڵاتی فەرماندەیییەکە کراون.
سەرنج خراوەتە سەر ئەوەی کە لێکۆڵینەوەکان لە رووداوەکە بەردەوامن و ئاماژە بەوەیش دراوە کە هەلیکۆپتەرەکە لە ئەنجامی "تەقەی نەیاران" نەکەوتووەتە خوارەوە.
زانیاریی زیاتر نەدراوە لەبارەی رووداوەکە.
