کۆرۆنا.. گیانلەدەستدانی زیاتر له‌ چوار هه‌زار كه‌سی دیکە لە بەڕازیل

به‌پێی داتاكانی وه‌زاره‌تی ته‌ندروستیی بەڕازیل له‌ میانی ٢٤ كاتژمێری رابردوودا، ٨٦ هه‌زار و ٩٧٩ حاڵه‌تی نوێی تووشبوون بە ڤایرۆسی کۆرۆنا تۆماركراون، هه‌زار و ١٩٥ كه‌س به‌هۆی ڤایرۆسەکەوە‌ گیانیان له‌ده‌ستداوە کە ئه‌مه‌ش زۆرترین ژمارەی گیانله‌ده‌ستدانه‌ له‌و وڵاته‌ له‌ میان‌ی یەک رۆژدا.

به‌م جۆره‌ تا ئێستا له‌و وڵاته‌ ١٣ ملیۆن و ١٠٠ هه‌زار و ٥٨٠ كه‌س تووشی ڤایرۆسی کۆرۆنا نوێ بوون، ٣٣٦ هه‌زار و ٩٤٧ تووشبوو گیانیان له‌ده‌ستداوه‌ و ١١ ملیۆن و ٥٥٨ هه‌زار و ٧٨٤ تووشبووش چاكبوونه‌ته‌وه‌.

ژماره‌ی دانیشتووانی به‌ڕازیل کە ٢١٠ ملیۆنی تێپه‌ڕاندووه‌، به‌ دوای ئه‌مریكادا له‌ ریزبه‌ندی دووه‌مدا دێت كه‌ كۆرۆنا به‌توندترین شێوه‌ كاریگه‌ری كردووه‌ته‌ سه‌ری.