کۆبوونەوەی وەزیری کارو گەشەپێدانی بەحرێن و باڵیۆزی تورکیا لە مەنامە

دۆحە - AA

وەزیری کارو گەشەپێدانی کۆمەڵایەتی بەحرێن، جەمیل بن محەمەد عەلی حمێدان پێشوازی لە باڵیۆزی تورکیا لە مەنامە، کەمال دەمیرچیلەر کرد.

بەپێی هەواڵی ئاژانسی هەوالی بەحرێن، لەمیانی کۆبوونەوەیەکدا تاوتوێی پرسە هاوبەشەکان و هەنگاوەکانی بەهێزکردنی پەیوەندییەکانی نێوان ئەنقەرە و مەنامە لە بوارەکانی کارو چاودێری کۆمەڵایەتیی کراوە.

وەزیری کارو گەشەپێدانی کۆمەڵایەتی بەحرێن ستایشی پەیوەندییەکانی نێوان وڵاتەکەی و تورکیای کردووە.

حمێدان ئاماژەی بە گرنگی وەبەرهێنان لە توانای هونەری نێوان هەردوو وڵات و سوود وەرگرتن لە سەرکەوتنی بەرنامەکانی توانای لاوان و بەستنەوەی بە بوارەکانی گەشەپێدان و ئابووری کردووەتەوە.

لای خۆیەوە باڵیۆزی تورکیا لە مەنامە، کەمال دەمیرچیلەر ئامادەیی وڵاتەکەی بۆ ئاڵوگۆڕی تاقیکردنەوە سەرکەوتووەکان لەگەڵ بەحرێن بە تایبەت لە بواری کرێکارییدا دەربڕیووە و جەختی لە بەهێزکردنی رۆڵی دامەزراوەکانی کۆمەڵی مەدەنی کردووەتەوە.

جێی ئاماژەیە سەرەتای مانگی کانوونی دووەمی رابردوو کەمال دەمیرچیلەر وەک باڵیۆزی تورکیا لە مەنامە دەست بەکاربوو.