ژاپۆن.. تەقینەوەی گرکانی چیای شینمۆ

ئەنقەرە - AA

گرکانی چیای شینمۆ لە باشووری رۆژئاوای ژاپۆن تەقییەوە.

ئاژانسی کەشناسی ژاپۆنی راگەیەنراوێکی بڵاو کردۆتەوە و ئاماژەی بەوەداوە کە گرکانی چیای شینمۆ لە دوورگەی کیوشۆ باشووری رۆژئاوای ژاپۆن (هەزارو ٤٢١ مەتر لە ئاستی دەریاوە بەرزە) کاتژمێر ١١:٠٠ تەقیوەتەوە.

ئەو شاخە گرکانیە کە لە سنووری پارێزگای کاگۆشیما و میازاکی-دایە تا ئێستاش بەردەوام سووتو فرێ دەدات.

زەنگی مەترسی پلە سێ لە ناوچەکە لێدرا و خەڵكەکەشی ئاگادار کراونەتەوە کە دووکیلۆمەتر نزیک نەکەونەوە لە ناوچەکە.

دواینجار لە ٢٠١٧دا، تەقینەوەیەک لە هەمان ئەو گرکانە روویدا و نزیکەی ٢،٥ کیلۆمەتر سووتوی فرێ دا.

ژاپۆن لەسەر هێڵی بوومەلەرزە و گرکان "پشتێنەی ئاگرینی زەریای مەنگ" دایە و زیاتر لە ١٠٠ شاخی گرکانی تیادایە.