پەلامارێکی چەکداریی لە ئێران کوژرانی شەش پاسەوانی سنووری لێکەوتەوە

ھەولێر – AA

ئێران کوژرانی شەش پاسەوانی سنووری لە ئاکامی پەلامارێکی چەکداریی لە پارێزگای سیستان و بەلوچستان باشووری رۆژهەڵاتی ئەو وڵاتە راگەیاند.

ناوەندی راگەیاندنی فەرماندەیی پۆلیسی ئێران لە راگەیەندراوێکدا، ئاماژەی بەوەداوە کە چەکدارانی نەناسراو، پەلاماری یەکێک لە قولـلەکانی پاسەوانی سنووریان داوە لە ناوچەی سەروان لەسەر سنوور لەگەل پاکستان.

راشیگەیاندووە کە لە ئاکامی پەلامارەکەدا، شەش پاسەوانی سنوور کوژراون کە سێیان پلەداربوون و یەکێکیش بریندارە.