پێکدادانی دوو فڕۆکە لە نمایشێکی یادەوەریدا لە ئەمریکا

نیویۆرک - AA

بەپێی راگەیەندراوێکی فەرمانگەی فڕۆکەوانیی فیدراڵیی (FAA)، رووداوەکە لە میانی نمایشی ئاسمانیی لە فڕۆکەخانەی ئیکسکیوتیڤ لە شاری داڵاس روویداوە.

لەو دیمەنانەی کە لەلایەن جەماوەری ئامادەبووەوە تۆمارکراون و لە تۆڕە کۆمەڵایەتییەکاندا بڵاوکراونەتەوە، دوای ئەوەی دوو فڕۆکەکە بەریەککەوتوون، کەوتوونەتەخوارەوە و ئاگریان گرتووە.

زیاتر لە ٤٠ کارمەندی ئاگرکوژێنەوە هەوڵی کوژاندنەوەی ئاگری فڕۆکەکانیان دا.

فەرمانگەی فڕۆکەوانیی فیدراڵیی، رایگەیاند: ''لەئێستادا نازانرێت چەند کەس لە فڕۆکەکاندا بوون''.

هاوکات فەرمانگەی فڕۆکەوانیی فیدراڵیی و ئەنجوومەنی نیشتمانیی سەلامەتی گواستنەوە (NTBS)، لێکۆڵینەوە لە هۆکاری رووداوەکە دەکەن و دواتر وردەکاری بلاودەکەنەوە.