وەزیری دەرەوەی سووریا شەیبانی سەردانی بەریتانیا دەکات

دیمەشق - AA

وەزیری دەرەوەی سووریا، ئەسعەد حەسەن شەیبانی ئەمڕۆ بە مەبەستی ئەنجامدانی زنجیرەیەک دیدار و کۆبوونەوە لەگەڵ ژمارەیەک بەرپرس لە بەریتانیا، سەردانی لەندەن دەکات.

بەپێی ئاژانسی هەواڵی فەڕمی سووریا (سانا)، نووسینگەی ڕاگەیاندنی وەزارەتی دەرەوەی سووریا بڵاویکردوەتەوە، شەیبانی بە مەبەستی ئەنجامدانی دیدار و کۆبوونەوەی فەڕمی بەرەو بەریتانیا بەڕێکەوتووە.

ئاماژە بەوەیش کرا کە ئامانجی سەردانەکە تاوتوێ کردنی پەیوەندییەکانی نێوان هەردوو وڵات و دوا پێشهاتەکانی سووریایە.