هێرش کرایە سەر سێ بنکەی ئەمریکا لە سووریا

دێرازۆر - AA

لە پارێزگاکانی دێرازۆر و حەسەکەی سووریا، هێرش کرایە سەر سێ بنکەی دیکە کە سەربازانی ئەمریکای تێدا جێگیرکراون.

بەپێی ئەو زانیارییەی لە سەرچاوە ناوخۆییەکانەوە دەستکەوتووە، بەیانی ئەمڕۆ بە مووشەکی زەمین بە زەمین و فڕۆکەی بێفڕۆکەوانی نەناسراو هێرش کراوەتە سەر بنکەکانی سوپای ئەمریکا لە کێڵگەی غازی کۆنیکۆ و کێڵگەی نەوتی عومەر لە دێرازۆر و بنکەکانی لە قەزای شەدادی سەربە حەسەکە.

لەو هێرشەدا مووشەکەکان کەوتوونەوە بنکەکان و دەوروبەریانەوە، بەڵام هیچ زانیارییەک لەبارەی زیانە گیانییەکانی نەخراوەتەڕوو.