هه‌ڵبژاردنی ئیسپانیا به‌ڕێوه‌ ده‌چێت

مه‌درید – AA

رۆژی سێشه‌ممه‌ ٣٦ ملیۆن و ٨٠٠ هه‌زار ده‌نگده‌ر ده‌چنه‌ سه‌ر سندوق به‌مه‌به‌ستی هه‌ڵبژاردن ٣٥٠ په‌رله‌مانتار و ٢٠٨ سیناتۆر له‌ ئیسپانیا، له‌ كاتێكدا ئه‌و وڵاته‌ له‌ كه‌شێكی ناڕوونی سیاسییدایه‌.

ئیسپانیا له‌ ئاماده‌كاریدایه‌ بۆ ١٣ه‌مین هه‌ڵبژاردنی گشتیی له‌ مێژووی دیموكراسی خۆی له‌ دوای دیكتاتۆر فرانسیسكۆ فرانسۆ (له‌ دوای ١٩٧٥ه‌وه‌).

رۆژی سێشه‌ممه‌ ٣٦ ملیۆن و ٨٠٠ هه‌زار ده‌نگده‌ر كه‌ ٣٤ ملیۆن و ٧٩٩ هه‌زار و ٩٩٩یان له‌ ئیسپانیا و دوو ملیۆن و ٩٣ هه‌زار و ٩٧٧یان له‌ ده‌ره‌وه‌ی وڵات ده‌ژین ده‌چنه‌ سه‌ر سندوق به‌مه‌به‌ستی هه‌ڵبژاردنی ٣٥٠ په‌رله‌مانتار و ٢٠٨ سیناتۆر له‌و وڵاته‌.

یه‌ك ملیۆن و ١٥٧ هه‌زار و ١٩٦ كه‌س ته‌مه‌نیان گه‌یشتۆته‌ ١٨ ساڵ و بۆ یه‌كه‌مجاریانه‌ به‌شداری له‌ ده‌نگداندا ده‌كه‌ن. ٢٣ هه‌زار و ١٩٦ بنكه‌ی ده‌نگدان ده‌كرێنه‌وه‌ و ٦٠ هه‌زار و ٣٨ مێز و ٢١٢ هه‌زار سندوق داده‌ندرێن.

به‌ر له‌ به‌ڕێوه‌چوونی هه‌ڵبژاردنه‌كان ژماره‌یه‌ك كێشه‌ رووبه‌ڕووی ئیداره‌ی ئه‌و وڵاته‌ بووه‌ته‌وه‌ له‌ سه‌روویانه‌وه‌ ناڕوونی سیاسیی، كێشه‌ی كه‌ته‌لۆنیا، به‌رزبوونه‌وه‌ی راستڕه‌وی په‌ڕگیر و بێكاری.

له‌ ریزبه‌ندی یه‌كه‌مینی كێشه‌كانی ئه‌و وڵاته‌دا داواكاری سه‌ربه‌خۆیی ئیداره‌ی ئۆتۆنۆمی كه‌ته‌لۆنیا ده‌بیندرێت كه‌ له‌ ساڵی ٢٠١٠ه‌وه‌ هه‌وڵه‌كانی جوداخوازی له‌ رۆژهه‌ڵاتی ئه‌و وڵاته‌ ته‌شه‌نه‌ی كردووه‌.