نه‌ته‌وه‌یه‌كگرتووه‌كان ناڕاسته‌وخۆ ره‌خنه‌ له‌ سیاسه‌ته‌كانی تره‌مپ ده‌گرێت

نه‌ته‌وه‌یه‌كگرتووه‌كان - AA

سكرتێری گشتیی نه‌ته‌وه‌یه‌كگرتووه‌كان، ئەنتۆنیۆ گوتیرێس بێ ئه‌وه‌ی ناوی بهێنێت ره‌خنه‌ی له‌ بڕیاره‌كه‌ی سه‌رۆكی ئه‌مریكا، دۆناڵد تره‌مپ گرت له‌باره‌ی په‌نابه‌ران و كۆچبه‌رانه‌وه‌ و گوتی: "هه‌وڵدانی وڵاته‌كان بۆ پاراستنی سنووره‌كانیان له‌ رێگه‌ی جیاكاریی ئایینی و نه‌ژادییه‌وه‌، ده‌بێته‌ هۆی تووڕه‌یی و پڕوپاگه‌نده‌ی تیرۆر ئاسان ده‌كات".

ئەنتۆنیۆ گوتیرێس له‌ بەیاننامەیەکدا رایگه‌یاند "ئه‌سیوپیا سه‌رباری ئه‌وه‌ی كێشه‌ی جدیی ئه‌منیی هه‌یه‌، داڵده‌ی زۆرترین په‌نابه‌ری داوه‌ له‌ ئه‌فریقا و ساڵانێكه‌ ده‌روازه‌كانی وڵاته‌كه‌ی به‌ڕوویاندا كردووه‌ته‌وه‌".

- "پڕوپاگه‌نده‌ی تیرۆر ئاسان ده‌كات"

سكرتێری گشتیی نه‌ته‌وه‌یه‌كگرتووه‌كان، ئەنتۆنیۆ گوتیرێس بێ ئه‌وه‌ی ناوی بهێنێت ره‌خنه‌ی له‌ بڕیاره‌كه‌ی سه‌رۆكی ئه‌مریكا، دۆناڵد تره‌مپ گرت له‌باره‌ی په‌نابه‌ران و كۆچبه‌رانه‌وه‌ و گوتی: "هه‌وڵدانی وڵاته‌كان بۆ پاراستنی سنووره‌كانیان له‌ رێگه‌ی جیاكاریی ئایینی و نه‌ژادییه‌وه‌، ده‌بێته‌ هۆی تووڕه‌یی و پڕوپاگه‌نده‌ی تیرۆر ئاسان ده‌كات".

ناوبراو جه‌ختی كرده‌وه‌ كه‌ هه‌موو وڵاتان مافی پاراستنی سنووری خۆیان هه‌یه‌ و به‌رپرسیارێتیی سه‌رشانیانه‌، به‌ڵام ئەو کارە له‌ رێگه‌ی جیاكاریی ئایینی و نه‌ژادییه‌وه‌ ئه‌نجام نادرێت.

ئەنتۆنیۆ گوتیرێس گوتی: "رێوشوێنی كوێرانه‌، كاریگه‌ریی نابێت بۆ به‌ره‌نگاربوونه‌وه‌ی تیرۆر".