ناتۆ ھۆشداری دەداتە رووسیا

برۆکسڵ - AA

سکرتێری گشتی ناتۆ، یانس ستۆڵتنبێرگ لەبارەی پێشھاتەکانی گەرووی کێرچی دەریای ئازوڤ گوتی: "ناتۆ بە گشت ئەندامەکانییەوە پشتیوانی لە یەکپارچەیی و سەروەری خاکی ئۆکراینا دەکات. بانگھێشتی رووسیا دەکەین کە دەستبەجێ کەشتی و سەربازەکانی ئۆکراینا ئازاد بکات".

ستۆڵتنبێرگ لە دوای کۆبوونەوەی نائاسایی کۆمیسیۆنی ناتۆ-ئۆکراینا لە شاری برۆکسڵ کۆنگرەیەکی رۆژنامەوانی رێکخست و گوتی: "ناتۆ بە گشت ئەندامەکانییەوە پشتیوانی لە یەکپارچەیی و سەروەری خاکی ئۆکراینا دەکات. بانگھێشتی رووسیا دەکەین کە دەستبەجێ کەشتی و سەربازەکانی ئۆکراینا ئازاد بکات".

ستۆڵتنبێرگ لەبارەی ئەو پێشھاتانەی کە لە نێوان رووسیا و ئۆکراینا روویانداوە رایگەیاند کە "بەکارھێنانی ھێزی سەربازیی بەرامبەر کەشتییەکانی ئۆکراینا ھیچ روونکردنەویەکی رێگەپێدراوی نییە".

فەرماندەیی ھێزەکانی دەریاوانی ئۆکراینا رایگەیاندبوو، کەشتییەکی پاراستنی سنووری سەر بە خزمەتگوزاری ئاسایشی فیدڕاڵی رووسیا، لە نزیک گەرووی کێرچی دەریای ئازۆڤ، تەقەی لە کەشتی جەنگی ئۆکراینی کردووە.